«Օղակի գործունէութեան հետ ծանօթացայ պատահաբար եւ կազմակերպութիւնը շատ արագ շահեցաւ իմ սէրս եւ յարգանքս, ինչը կը կարծեմ, որ փոխադարձ է։ Իր գլխաւոր հովանաւորներուն՝ Հրաչ եւ Էլիզապէթ Սիսեռեաններուն, ինչպէս նաեւ կազմակերպութեան անձնակազմին շնորիւ, Օղակը կը ստեղծէ կառուցողական միջավայր, որուն շնորհիւ կը բարելաւուի հայ կիներուն կեանքի որակը։ Օղակը այն իսկական վայրն է, որ նորարարութիւններ մտցուց իմ կեանքիս մէջ։ Ինչքան ալ զբաղած ըլլամ, անպայման առիթ կը ստեղծեմ այցելելու Օղակ»։
Ո՞վ Ենք Մենք
Օղակ ՀԿ
Օղակ ՀԿ-ն ոչ շահութաբեր կազմակերպութիւն է, հիմնուած՝ Երեւանի մէջ, Հայաստան, Նոյեմբեր 2015-ին։
Կազմակերպութիւնը կ՛առաջնորդուի երեք հիմնական արժէքներով. աճ, ինքնակարգապահութիւն եւ ուղղամտութիւն։
Մեր առաքելութիւնը
Մեր առաքելութիւնն է տարբեր դասընթացքներու եւ աշխատանիստերու (workshop-ներու) ճամբով օգնել, որ հայ անհատը, դրական եւ կառուցողական մթնոլորտի մէջ ամրապնդէ իր ինքնակատարելագործումը՝ ինքնաճանաչման, մտաւորական աճի, ստեղծագործական միտքի զարգացման եւ ճկուն դիմադրողականութեան միջոցով: Կազմակերպութիւնը կը ձգտի իր առաքելութիւնը կեանքի կոչել՝ կազմակերպելով անհատական աճի եւ տարբեր մասնագիտական հմտութիւններ փոխանցող դասընթացքներ:
Մեր տեսլականը
Մեր տեսլականն է ստեղծել այնպիսի հաւաքականութիւն, որուն անհատները կը յատկանշուին ուղղամտութեամբ, ինքնագիտակցութեամբ, զարգացող մտածողութեամբ, ստեղծագործական միտքով եւ ճկուն դիմադրողականութեամբ: Հաւաքականութիւն, որ կրնայ հիմք եւ յենարան հանդիսանալ ամուր պետականութեան զարգացման համար:
Մեր գործունէութիւնը
Օղակ ՀԿ-ն, գնահատելով շրջապատի կարիքները, կը նախաձեռնէ տարբեր միջոցառումներ՝ հաւաքներ, առողջապահական արշաւներ, խորհրդատուութիւն, դասընթացքներ եւ մասնագիտական աշխատանիստեր՝ իրագործելու համար իր առաքելութիւնը եւ հասնելու իր տեսլականին: Տարիներու ընթացքին ընդլայնելով իր աշխատանքի տարածքը՝ Օղակի գործունէութիւնը այսօր Երեւանի Նորք-Մարաշ վարչական շրջանէն ծաւալած է դէպի Արագածոտնի, Գեղարքունիքի եւ Տաւուշի մարզեր:
Օղակը ճկուն է իր աշխատանքներուն մէջ, ականջալուր՝ հաւաքականութեան պահանջներուն եւ պատրաստ՝ օգնութեան, մասնաւորաբար տագնապներու եւ ճգնաժամային կացութիւններու ժամանակ իր գործունէութիւնը պատշաճեցնելով համայնքի առաջնահերթ կարիքներուն։
Վկայութիւններ
Լիանա Ասատրեան
«Կը հաւատամ, որ կեանքի ամէնամեծ երջանկութիւնը սիրուած եւ ընդունուած զգալն է, այնպէս, ինչպէս որ կաս։ Ընդհանրապէս, մարդիկ արագ եւ դիւրին կը յուսահատին, բայց մենք, շնորհիւ Օղակին, կը փորձենք փոխել այս սովորութիւնը։ Անձամբ ես շատ շնորհակալ եմ Օղակին»։
Սոֆիա Յովհաննիսեան
«Երբ մարդիկ վարժուած են իրենց փափաքները կատարել, իրենց համար դժուար կ՛ըլլայ ունենալ պէտք եղած ինքնակազմակերպումը՝ կատարելու ոչ փափաքելի, բայց կարեւոր գործերը։ Սակայն, Օղակի ծրագիրներուն ընդմէջէն մենք կը սորվինք ըլլալ պատասխանատու մեր կատարելիք գործերուն նկատմամբ։ Լաւագոյն մաղթանքներս կ՛ուղղեմ Օղակի անձնակազմին, հովանաւորներուն եւ նուիրատուներուն։ Կը մաղթեմ, որ այստեղ մեր կատարած աշխատանքը թափանցէ բարի մարդոց սրտերուն մէջ եւ որ Օղակը աճի ինչպէս գարնան ծաղիկ»։
Գայանէ Բաղրամեան
«Անկախ տարուան եղանակէն, Օղակը ունի միշտ ջերմ եւ սրտաբաց մթնոլորտ, ուր շահառուները կը ստանան ֆիզիքական եւ հոգեբանական կրթութիւն, ինչպէս նաեւ կ՛ապրին ուրախ պահեր։ Ինծի համար ամէնակարեւորը այն է, որ Օղակը իր շահառուներուն կը փոխանցէ դրական ուժ։ Եթէ փորձեմ երկու բառով նկարագրել կազմակերպութիւնը, ապա կ՛ըսեմ, որ Օղակը հիւրընկալ ընտանիք է»։
Յասմիկ Հայրապետեան
«Օղակը այն վայրն է, ուր մենք մենք մեզ կրնանք գտնել եւ ուր մեզմէ իւրաքանչիւրը կրնայ բացայայտել իր իսկական էութիւնը, թաքուն տաղանդները եւ կարողունակութիւնը։ Անկախ ամէն ինչէ, Օղակը քեզ միշտ ժպիտով եւ դրական ուժով կը դիմաւորէ»։
Գոհար Համբարձումեան
«Օղակ այցելելու առաջին օրէն իսկ իմ կեանքս փոխուեցաւ։ Կանոնաւոր կերպով կը մասնակցիմ Արուեստի եւ Ձեռքի Աշխատանքի դասընթացքներուն։ Իմ ժամանակս շատ հաճելի ձեւով կ՛անցընեմ, բայց նաեւ իբրեւ անձ կ՛աճիմ ու կը զարգանամ։ Շնորհակալ եմ Օղակի անձնակազմին՝ իրենց ջերմ վերաբերմունքին համար։ Հոն կը զգամ ինչպէս իմ տունս։ Յուսամ Օղակը երկար կը շարունակէ իր աշխատանքները, որպէսզի կարելի եղածին չափ շատ մարդիկ օգտուին իր ծառայութիւններէն»։
Մարգօ Ղազարեան
Ինչպէ՞ս կրնաք դուք օժանդակել
Օղակը յաջողեցաւ իր նպատակներէն շատերը իրագործել՝ սփիւռքէն անհատներու մասնագիտական եւ Նիւթական աջակցութեան շնորհիւ: Անոնց համար, որոնք կը ցանկան քաջալերել մեր առաքելութիւնը եւ բաժնել մեր յաջողութեան ուրախութիւնը,
կ՛առաջարկենք օգնութիւն ցուցաբերելու բազմաթիւ միջոցներ, ներառեալ.
